კულტურული შრე
NPLG Wiki Dictionaries გვერდიდან
კულტურული შრე — ნასახლარებისა და დღესდღეობითაც დასახლებული ადგილების მიწის ფენა, რომელიც შედგება სამშენებლო და სამეურნეო ნაგვისაგან, დამპალი ორგანული ნივთიერებებისაგან, ხანძრის, კოცონისა და ღუმელის ნაცრისაგან, რაც არეულია ქარისაგან მოხვეტილ და წყლით გადარეცხილ სილასა თუ თიხაში. კულტურული იმიტომ ეწოდება რომ ინახავს ადამიანის საქმიანობის, მისი კულტურის ნაშთს.
კულტურული შრე წარმოიქმნება ნელ-ნელა, ყოველდღიურად და ყოველ ჟამს რაც უფრო მეტს შრომობს და აშენებს ადამიანი, მით უფრო სწრაფად იზრდება კულტურული ფენა.
