ლამაზი ვოლვარიელა

ლამაზი ვოლვარიელა (ლათ. Volvariella speciose (Fr.) Sing. რუს. Вольвариелла красивая)

ქუდი – 5-12 სმ-მდე დიამეტრისაა, ჯერ თითქმის სფეროსებრი, შემდეგ კი – ზარისებრი, ლორწოვან-წებოვანი ზედაპირით; თეთრია, ცენტრში კი მურა ნაცრისფერია. ფირფიტები განიერია, ჯერ თეთრი, შემდეგ კი – ვარდისფერი.

ფეხი – 10-15 სმ სიგრძისაა და 2-3 სმ სისქისა, ძირში გაბერილია, დასაწყისში ქეჩისებრი ზედაპირით, შემდეგ კი – სადა. ფეხი ჩამჯდარია თეთრ ვოლვაში.

სპორები – ელიფსისებრია, არათანაბარი გვერდებით, ვარდისფერი. 12-18X7-10 მკმ.

იზრდება ნიადაგზე, საძოვრებზე, პარკებში, ბაღებში და ა.შ. ზაფხულ-შემოდგომით, საჭმელად უვარგისია, ზოგჯერ ლიტერატურაში მოხსენიებულია, როგორც საჭმელი, მაგრამ მისი გამოყენებისაგან ჯობს თავი შევიკავოთ.

წყარო

საქართველოს სოკოები