ლეშურა
NPLG Wiki Dictionaries გვერდიდან
ლეშურა – (Bryonia dioica Jacq. = Bryonia cretica subsp. dioica [Jacq.] Tutin); ოჯახი: გოგრისებრნი (Cucubritaceae). მრავალწლიანი ორსახლიანი ხვიარა მცენარეა, გასქელებული ფესურით. ღერო წიბოებიანია და წვრილი, შიშველი ან შებუსული, ფოთლები მარტივია, ძირში გულისებური. ღრმად, 3-5 ნაწილად გაყოფილი, ტალღისებურად დაკბილული ან თათისებური, შებუსული ან შიშველი, სიგრძით 6-12 სმ და სიგანით 5-10 სმ. პწკალები გრძელია, მარტივი და წვრილი. გვირგვინი მომწვანო ყვითელია. გვირგვინის ნაკვთები ბლაგვია. ყვ. ნაყ. V-VIII. იზრდება ბუჩქნარებში. კახეთში მისი ნახვა შესაძლებელია სიღნაღის მიდამოებში. ძირითადად გავრცელებულია აღმოსავლეთ და სამხრეთ საქართველოში.
