ლიგნიტი
NPLG Wiki Dictionaries გვერდიდან
ლიგნიტი − (ლათ. lignum ხე, მერქანი), წვადი სასარგებლო წიაღისეული, მცირედდანახშირებული მურა ფერის მერქანი (ძირითადად წიწვოვანი ჯიშის), რომელსაც გარეგნულად შენარჩუნებული აქვს მცენარეული ქსოვილების ანატომიური აგებულება; დაბალი ხარისხის მურა ნახშირი. სიმკვრივე – 500-1500 კგ/მ3. შეიცავს 50-77% ნახშირბადს, 20-30% ტენსა და დიდი რაოდენობით (50%-მდე) აქროლად (მფრინავ) ნივთიერებებს. გამოიყენება საწვავად მცირე წარმადობის საქვაბეებში, აგრეთვე როგორც ქიმიური ნედლეული.
