მალიბრანი მარია ფელისიტა
NPLG Wiki Dictionaries გვერდიდან
მარია ფელისიტა მალიბრანი – (ქალიშვილობის გვარი გარსია), (24 მარტი 1808, პარიზი – 23 სექტემბერი 1836, მანჩესტერი), ფრანგი მომღერალი (მეცო-სოპრანო). წარმოშობით ესპანელი. პირველად 1825 გამოვიდა ლონდონში. მღეროდა საფრანგეთის, იტალიის, დიდი ბრიტანეთის საოპერო სცენებზე. პარტიები: ნორმა, ალინა(ბელინის „ნორმა“, „სომნამბულა“), ლეონორა (ბეთჰოვენის „ფიდელიო“), დეზდემონა (როსინის „ოტელო“) და სხვ. XIX ს. I ნახევრის ერთ-ერთი უდიდესი მომღერალია. მისი სიმღერა გამოირჩეოდა იშვიათი გამომსახველობითა და არტისტიზმით. ეკუთვნის მთელი რიგი მუსიკალური ნაწარმოებები (ნოქტიურნები, რომანსები და სხვ.).
