მარიჯანი

წარწერის ტექსტი

მარიჯანი — (1890 − 1978), ქართველი მწერალი პოეტი და მთარგმნელი. ნამდვილი სახელი და გვარი − მარიამ ტყემალაძე-ალექსიძე დაიბადა თბილისში. 1922 წელს დაამთავრა თსუ-ს ფილოსოფია-ფილოლოგიის ფაკულტეტი. პირველი ლექსი „ტბა” 1916 წელს გამოაქვეყნა, პირველი კრებული „ლექსები” − 1921 წელს. 1926 წელს გამოვიდა მისი საბავშვო პოემა „ნელი ცირკში”, რომელმაც მნიშვნელოვანწილად განსაზღვრა პოეტის შემოქმედებითი გეზი − შემდგომში იგი ძირითადად საბავშვო მწერლობაში მუშაობდა. მარიჯანი მთარგმნელობით საქმიანობასაც ეწეოდა. მის მიერ თარგმნილია ჩუკოვსკის, ა. ტოლსტოის, მიხალკოვის საბავშვო თხზულებანი, ხოლო იოსებ გრიშაშვილთან ერთად თარგმნა მოლიერის „ტარტიუფი”, ბომარშეს „ფიგაროს ქორწინება”.

სათევზაოდ

− დღეს რა კარგი ამინდია! −

უხარია რამაზს,

სათევზაოდ მეც გავყვები

ჩემს საყვარელ მამას.

დედას ასე დაუბარა:

− ნუ მოხარშავ სადილს,

იმდენ კალმახს ჩამოგიტანთ,

რომ ეყოფა ნადიმს!...

დარცხვენილი შინ დაბრუნდნენ

რამაზი და მამაც −

რა ქნან, თუკი ვერ მიაგნეს

იმ გემრიელ კალმახს...

წყარო

ქართველი პოეტები (ენციკლოპედია)