მარუშისძე იოანე
იოანე მარუშისძე – ქართლის ერისთავი X ს-ის 70-იან წლებში. გამოჩენილი სახელმწიფო და პოლიტიკური მოღვაწე, ერთიანი ქართული სახელმწიფოს ერთ-ერთი მესაძირკვლე (დავით III კურაპალატთან ერთად). ქართლში ის წარმოადგენდა „აფხაზთა“ (დასავლეთ საქართველოს) სამეფო ხელისუფლებას. იოანე მარუშისძემ შეიმუშავა ბაგრატ ბაგრატიონის – გურგენ მეფეთმეფისა და გურანდუხტ დედოფლის ვაჟის, დავით კურაპალატის შვილობილის – ეგიდით ქართული პოლიტიკური ერთეულების ერთიან სამეფოდ გაერთიანების გეგმა 975. აღნიშნული გეგმა მან გააცნო დავით კურაპალატს რომელმაც მარუშიძის წინადადებით თავისი შვილობილი ბაგრატი ქართლის მმართველად გამოაცხადა. 978 მარუშისძე გამოვიდა ახალი ინიციატივით დავით კურაპალატს დასავლეთ საქართველოში მისივე ბიძის თეოდოსი აფხაზთა მეფის ნაცვლად, ბაგრატის გამეფება შესთავაზა, რაც წარმატებით განხორციელდა.