მარღია ელგუჯა

ელგუჯა მარღია

მარღია ელგუჯა — (1963), ქართველი პოეტი და მთარგმნელი. 1983-1990 სწავლობდა თსუ-ს ჟურნალისტიკის ფაკულტეტზე. 1985-2001 წლებში მუშაობდა სხვადასხვა პერიოდული გამოცემების რედაქციებში, როგორიცაა: „ქართული ქრონიკა”, „ფენიქსი”, „მესამე გზ”ა, „ცისკარი”, „კრიმინალური ქრონიკა”. 2001-2004 წლებში იყო საქტელერადიომაუწყებლობის სტუდია „პუბლიცისტის” და შ/გ „ალიონის“ პოლიტიკური მიმომხილველი, კორესპონდენტი და რედაქტორი. 2004-2011 წლებში – საზოგადოებასთან ურთიერთობის სააგენტო „პროფილის” დამფუძნებელი, საკონსულტაციო ჯგუფის ხელმძღვანელი, საინფორმაციო ანალიტიკური პორტალი „ქართული ბრენდის” მთავარი რედაქტორი და ჟურნალ „ცისკრის” საზოგადოებასთან ურთიერთობის განყოფილების ხელმძღვანელი. გამოცემული აქვს პოეტური კრებულები: „როგორც წყვდიადში შემოდის თოვლი” (1993), „დუმილის სივრცე” (2001).

ეტიუდი

საოცარია ზამთრისპირის

დილა სისხამი:

კაკლის ხეები ნაყოფივით

ჩიტებს ისხამენ…

და ბუხრის კვამლიც

იტოტება, მიიკლაკნება

ნაკადულივით ცის წიაღში

და… იკარგება.

ძაღლი ყეფს…

შორით ხრიწიანად ყივის მამალი…

თვლემს ირგვლივ თეთრი მდუმარება −

თოვლის ტრამალი

წყარო

ქართველი პოეტები (ენციკლოპედია)