მაღალოვი რუბენ

რუბენ მაღალოვი

რუბენ გრიგოლის ძე მაღალოვი – (07.01.1935-04.12.2016) სომეხი გენერალ-ლეიტენანტი (09.05.1984),

დაიბადა ტფილისში.1952 წელს საშუალო სკოლის დამთავრების შემდეგ, შევიდა თბილისის ქვეითთა სასწავლებელში, რომელიც დაამთავრა 1955 წელს. მსახურობდა ამიერკავკასიის სამხედრო ოლქის ნაწილებში, ოცმეთაურად, ასმეთაურის მოადგილედ, ასმეთაურად. დაამთავრა ფრუნზეს სახ. სამხედრო აკადემია. მეთაურობდა ბატალიონს, პოლკს, დივიზიას.

1979 წლის 8 მაისს მიენიჭა გენერალ-მაიორის სამხედრო წოდება. როცა 1986 წლის 26 აპრილს მოხდა აფეთქება ჩერნობილის ატომური ელექტროსადგურის მე-4 ბლოკში, 10 დღეში გენერალი მაღალოვი თავისი სამხედრო ნაწილებით მონაწილეობდა ავარიის ლიკვიდაციაში.

1988 წლის დეკემბერში ანალოგიური დავალებით იმყოფებოდა სპიტაკში მიწისძვრის ლიკვიდაციისას.

1991 წლამდე მსახურობდა შუა აზიის სამხედრო ოლქის სარდლის მოადგილედ, უმაღლეს სამხედრო დაწესებულებების გარეშე სამხედრო მომზადების დარგში.

1991-1995 წლებში მსახურობდა რუსეთის სამაშველო სამსახურში. 1995 წელს გავიდა თადარიგში წლოვანებით.

დაჯილდოებულია წითელი ვარსკვლავის, სსრკ შეიარაღებულ ძალებში სამსახურისათვის, III ხარ. ორდენებით და სამაშველო სამსახურის საუწყებო ჯილდოებით.

ცხოვრობდა ქ. დონის როსტოვში. გარდაიცვალა იქვე. ანდერძის თანახმად დაკრძალულია თბილისში, დამპალოს სასაფლაოზე.

წყარო

სომეხი გენერლები და ადმირალები საქართველოდან