მეიერის ლიმონი
მეიერის ლიმონი - წარმოადგენს პატარა, 1,5–2,5 მეტრამდე სიმაღლის ბუჩქს, კრონა სქელი და გაშლილია, დაბლა დაშვებული ტოტებით. ძირითადი ტოტები ჩვეულებრივ 4–5-ია,
ყლორტები მრგვალია, მუქი მწვანე ფერის და შეუბუსავი, ტიპიური იისფერი შეფერილობით. ეკლები საშუალო ზომისაა, მომრგვალო და ძლიერ მახვილი, ფოთოლი ოვალურია, მომრგვალო ფუძით და ბლაგვი წვერით; ფოთლის საშუალო ზომა 9X5 სმ. ფოთოლი მუქი მწვანე ფერისაა, ყუნწი 0, 8–1,3 სმ. სიგრძისაა, ბრტყელი და ვიწრო ფრთიანი.
ყვავილი თითოეულა, ორორი, ან მტევნად შეკრულია, 6–11 ყვავილი ერთად. მასიურად ყვავილობს 15 მაისიდან 10 ივნისამდე, მეორეჯერ – ივლისიდან სექტემბრის ბოლომდე. უკანასკნელ შემთხვევაში ლიმონს ყვავილების სიმცირე და წვრილი ნაყოფი ახასიათებს. ყვავილი საშუალო ზომისაა, გვირგვინი გარედან ვარდისფრადაა შეფერილი.
ნაყოფი მომრგვალო-ოვალურია, მისი სიმაღლე 6–7,5 სმ-ია, დიამეტრი 5,5 სმ., წონა 110–125 გრ. ნაყოფის კანი საშუალო სისქისაა, სუფთა და პრიალა მუქი ყვითელი ფერის. ის ოდნავ მწარე გემოსია და სხვა ლიმონებისაგან განსხვავებული სპეციფიკური არომატი აქვს; სირბილე მოყვითალო, წვრილმარცვლოვანი და უხვწვნიანია. სეგმენტები თანაბარი, მოგრძო სოლისებრი. 9–10 რაოდენობით. ხორცი მოყვითალო ფერისაა. სიმჟავიანობა 4,96% აღწევს. საერთოდ ნაყოფი მუქი წითელი, მოსავლიანობა იცის უხვი – 1000–1200 ცალი ნაყოფი ძირზე.
ყინვების კარგი გამძლე და სხვადასხვა ავადმყოფობის კარგი ამტანია. ეს ფორმა ჩვეულებრივი ლიმონისა და ფორთოხლის ჰიბრიდი უნდა იყოს.
