მენატი
NPLG Wiki Dictionaries გვერდიდან
მენატი – (ასევე მენიტი, ეგვ. mnj.t), მარგალიტების ან მეტალის ჯაჭვის მძივი, რომელიც ჩვეულებრივ ხელში ეჭირათ მომღერალ ქალებს. დაფიქსირებულია შუა სამეფოდან. მენატი საკრალური მუსიკალური ინსტრუმენტი და ხატხორის ფეტიში იყო. როგორც ფეტიში, მოიხსენიებოდა ასე: „დიდი მენატი, რომელიც მენატის სახლში ცხოვრობს“. საკრალურ ცეკვებს ჩვეულებრივ მენატის ჟღარუნი ახლდა. ხატხორის გარდა, მენატი ბევრი ღმერთისათვის ითვლებოდა ძალის მიმცემ ამულეტად, მაგრამ „მენატის ქალბატონებს“ მუტს და ხატხორს ეძახდნენ. ბერძნული პერიოდიდან თვითონ ხატხორს მოიხსენიებდნენ, როგორც „მენატს“ ან „მენატის სახლს“. გვიანი ახალი სამეფოს დროიდან მენატს გარდაცვლილების კისერზეც ვხვდებით, როგორც ჩანს მას ამულეტის დანიშნულება ჰქონდა.
