მენახირის ბალი

მენახირის ბალი - Cerasus incana (Pall.) Spach

მენახირის ბალი ვარდისებრთა ოჯახის წარმომადგენელია. მხოლოდ აღმოსავლეთ საქართველოში გვხვდება. მისი ჩვეულებრივი სამყოფელია ქვაღორღიანი და კლდოვანი ადგილები, სადაც ხარობს სხვა ბუჩქებთან — გრაკლასთან, ხორციფერასთან ერთად. ძალიან დატოტვილი, 40-50 სმ-დან 2 მ-მდე სიმაღლის ბუჩქია. ფოთლები ზედა მხრიდან მწვანეა, ქვედა მხრიდან კი ქეჩისებრ შებუსვილია და ამის გამო თეთრ ფერს იძენს. ყვავილები კაშკაშა ვარდისფერია, მოკლეყუნწიანი ან მჯდომარე, ტოტებზე ჯგუფად განლაგებული.

ნაყოფი პატარა ზომის კურკიანაა, ბურთივით მრგვალი, წითელი.

წყარო

ჩვენი ტყისა და მინდვრის ყვავილები ხეები და ბუჩქები