მენუჰინი იეჰუდი
იეჰუდ მენუჰინი – (22. IV. 1916, ნიუ-იორკი, – 12. III. 1999, ბერლინი), XX ს-ის ამერიკელი მევიოლინე. ლ. პერსინგერის, ა. ბუშისა და ჯ. ენესკუს მოწაფე. ერთ-ერთი უდიდესი მევიოლინე. 7 წლის ასაკიდან კონცერტებს მართავდა მსოფლიოს სხვადასხვა ქვეყანაში. გამოდიოდა როგორც დირიჟორი. 1963-იდან ცხოვრობდა ინგლისში. 1964 ინგლისში ქ. სტოუკ-დ`აბერნონში დააარსა სპეციალური მუსიკალური სკოლა. მენუჰინი 1969-75 იყო იუნესკოს „საერთაშორისო მუსიკალური საბჭოს“ პრეზიდენტი (1969- 1975). გამოდიოდა თავის დასთან, პიანისტ ჰეფციბა მენუჰინთან (20. V. 1920, სან-ფრანცისკო) ერთად.
მენუჰინის საშემსრულებლო სტილი გამოირჩევა ნათელი ინტერპრეტაციით, ვირტუოზობით, ბგერის მღერადობით, უმაღლესი გემოვნებით.იეჰუდ მენუჰინი ბახის, მოცარტის, ბეთჰოვენის, ბარტოკის და სხვ. ნაწარმოებებისის უბადლო შემსრულებელია.
