მერბაუ
NPLG Wiki Dictionaries გვერდიდან
მერბაუ – (ლათ. Intsia bijuga), კომერციული დასახელება ხის ჯიშის ინსტიას გვარისა ცერცვისებრთა ოჯახიდან. ხარობს სამხრეთ-დასავლეთ აზიაში. სიმკვრივე 800 კგ/მ3. წითელი ფერის ძვირფასი ჯიშის ხე, კარგად პრიალდება, მდგრადია ტენის, სოკოებისა და მწერების მიმართ. გერმანული სტანდარტის (DIN 4076) თანახმად მერბაუს მინიჭებული აქვს ხანგამძლეობის I და II (კარგი და ძალიან კარგი) კლასი. შესანიშნავი მასალაა პარკეტის დასამზადებლად.
