მესხი რობერტ

რობერტ მესხი

მესხი რობერტ— (1973), ქართველი პოეტი. დაიბადა სოხუმში. 1990 წელს დაამთავრა ამავე ქალაქის მე-17 საშუალო სკოლა, ხოლო 1996 წელს – თსუ-ს სოხუმის ფილიალის (სოხუმის სახელობის უნივერსიტეტის) ფილოლოგიის ფაკულტეტი. ლიტერატურულ პრესაში იბეჭდება 1989 წლიდან. 1997-2000 წლებში მუშაობდა გაზეთ „აფხაზეთის ხმაში“, 2000 წლიდან მუშაობს სოხუმის სახელმწიფო უნივერსიტეტში. 2001 წელს გამოიცა მისი პირველი პოეტური კრებული − „აპრილი უშენოდ“, რასაც მოჰყვა: „წაშლილი ბაიათი“ (2004), „ნიჟარები“ (2008), „მთვარე და ქუჩა“ (2010), „მზის რაფსოდია“ (2013).

ქრისტეშობისთვე

სიზმარს ავყევი,

გავაღვიძე თეთრი ნაძვები,

გადმომილაგა ნოსტალგიამ

ფოტოარქივი, − ამ მუხის კასრში

უძვირფასეს სევდას ვაძველებ

სარაჯიშვილის ქარვისფერი

კონიაკივით.

ქრისტეშობისთვე

მოშიშვლებულ

ნაპირს დახატავს,

შენ და სოხუმი −

რა შორსა ხართ ახლა ორივე...

მარსის მინდორზე

მეწამული მიმაქვს ლაბადა,

ხარის წელიწადს უნდა დავხვდე

მატადორივით.

წყარო

ქართველი პოეტები (ენციკლოპედია)