მეჭეჭებიანი ჭანჭყატი
NPLG Wiki Dictionaries გვერდიდან
მეჭეჭებიანი ჭანჭყატი - (Euonymus verrucosus Scop.); ოჯახი: ჭანჭყატისებრნი (Celastraceae). 1-2 მ სიმაღლის ბუჩქებია. ტოტები ცილინდრულია და მოფენილია მოშავო, მოწითალო ან მონაცრისფრო მეჭეჭებით. ფოთლები ელიფსურია, კიდეზე ხერხკბილა, შიშველი ან ქვედა მხარეზე მცირედ შებუსული. ყვავილედი 3-9-ყვავილიანი ფარია. გვირგვინის ფურცლები მოწითალო მურა ფერისაა. არილური კაშკაშა წითელია. ყვ. V-VI; ნაყ. VII-IX. მცენარე იზრდება ტყეებსა და ბუჩქნარებს შორის, კახეთში მისი ნახვა შესაძლებელია სოფ. ბაკურციხისა და უჯარმის მიდამოებში. გავრცელებულია, ძირითადად, აღმოსავლეთ საქართველოში.
