მთრეხელი
NPLG Wiki Dictionaries გვერდიდან
მთრეხელი – XVII ს. პირველი ნახევრის ხევსური გმირი სოფელ ქმოსტიდან, გვარად ბურდული. მოხეური გადმოცემების მიხედვით, ხევსურზე გათხოვილი მოხევე ქალის შვილი. მთრეხელმა მოკლა აღზევებული და გააზნაურების მსურველი შიოლა ღუდუშაური. ღუდუმაურების მდევარი მთრეხელს სოფელ ახალციხეში წამოეწია. მკვლელი მთრეხელი, მოკლულის დამ შეიფარა. ღუდუმაურებმა იგი მოკლეს. მთრეხელ ხშირად გვხვდება შიოლას ციკლის ლექსებში და აგრეთვე დამოუკიდებლადაც.
დ. გოგოჭური
ლიტერატურა
- ა. შანიძე, ხალხური პოეზია, 1931, გვ. 337;
- ელ. ვირსალაძე, ქართველ მთიელთა ზეპირსიტყვიერება, 1958, გვ. 113.
