მინაბოჭკოვანა

მინაბოჭკოვანა – კომპოზიტი, რომელიც შედგება სინთეზური ფისისა (შემკვრელი) და მინაბოჭკოსგან (შემავსებელი). შემავსებლად გამოიყენება უწყვეტი ან მოკლე მინაბოჭკოები. მინაბოჭკოს სიმტკიცე მატულობს მისი დიამეტრის შემცირებით (სქელ კვეთებში ბზარების გაჩენისა და მასალის არაერთგვაროვნობის გავლენის შედეგად). მინაბოჭკოს თვისებები დამოკიდებულია აგრეთვე მის შემადგენლობაში ტუტეების არსებობაზე; ყველაზე საუკეთესოა უტუტოო ალუმინბორსილიკატური შედგენილობის მინაბოჭკო.

ორიენტირებულ მინაბოჭკოვანას აქვს გრძელი ბოჭკოები განლაგებილი ელემენტის სიგრძის მიმართულებით ცალკეული კონის სახით და შეწებებული ერთმანეთთან შემკვრელით, რაც უზრუნველყოფს მინაპლასტიკის მაღალ სიმტკიცეს, ხოლო არაორიენტირებული მინაბოჭკოვანა შემავსებლად შეიცავს მოკლე ბოჭკოებს, რაც საშუალებას იძლევა დაიწნეხოს რთული ფორმის დეტალები ლითონის არმატურით. ასეთი მასალა თვისებებით უახლოვდება იზოტროპიულს.

მინაბოჭკოვან ნაკეთობებს მუშაობა შეუძლიათ –60-დან +200°С ტემპერატურის ზღვრებში, აგრეთვე ტროპიკულ პირობებში. დაძველების კოეფიციენტი ორი წლის განმავლობაში შეადგენს К = 0,5-0,7. მ. გამოიყენება სამშენებლო ფილების, ძალური ელექტროტექნიკური დეტალების, ხელსაწყოების კორპუსების, ავტომობილისა და ნავის კორპუსების დასამზადებლად და სხვ.

წყარო

სამშენებლო ენციკლოპედიური ლექსიკონი