მიქაუტაძე ამირან

მიქაუტაძე ამირან — (1929 – 2014), პოეტი და პედაგოგი. დაიბადა ამბროლაურის რაიონში. 1947 წელს ჩაირიცხა თსუ-ს ფილოლოგიის ფაკულტეტზე. ერთი წლის, შემდეგ სწავლა განაგრძო სოხუმის გორკის სახელობის პედაგოგიურ ინსტიტუტში ქართული ენისა და ლიტერატურის ფაკულტეტზე; მისი ლექსების პირველი კრებული გამოვიდა 1967 წელს, სოხუმში. 10-მდე პოეტური კრებულის ავტორია. 1952-1953 წლებში იყო აზერბაიჯანის ზაქათალის რაიონის სოფელ ალიაბადის საშუალო სკოლის ქართული ენისა და ლიტერატურის მასწავლებელი. შემდეგ სოხუმში დაბრუნდა და მუშაობდა ქართული ენისა და ლიტერატურის მასწავლებლად, გაზეთის კორესპონდენტად.

წყარო

ქართველი პოეტები (ენციკლოპედია)