მიქელაძე მაკა
NPLG Wiki Dictionaries გვერდიდან
მიქელაძე მაკა — (1964), ქართველი ექიმი, პოეტი, ჟურნალისტი. დაიბადა თბილისში. 1989 წელს დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი ფსიქიატრის სპეციალობით. ინსტიტუტის დამთავრების შემდეგ მუშაობდა ქალაქის ფსიქიატრიულ საავადმყოფოში, შემდეგ რესპუბლიკურ ფსიქიატრიულ საავადმყოფოში, 1986-1991 წლებში – მოდელად სააგენტო „ნოემა”-ში, შემდგომ – ტატიშვილის სახელობის რეაბილიტაციის ცენტრ „ნაუტილუსში” − ფსიქოთერაპევტად. გამოცემული აქვს ლექსების და მოთხრობების კრებულები: „ქალი ოცდაცამეტამდე” (2000), „Flash” (2003), „რვეული” (2008), „ბარათი”~(2008), „წეროს ჯვარი” (2008), „მე და ჩემი კუსტურიცა” (2010).
- პუნქტუაცია
- იცი, რომ „ძახილს” ვამჯობინებ
- შენს „წერტილ-მძიმეს”;
- თუმც გვაკავშირებს და გვაშორებს
- ვეება ტირე.
- ჩვენ გვაქვს შეხების „მრავალწერტილი”...
- ვდგავართ დაძაბულ „კითხვის ნიშნებად”
- და „ორწერტილთა” თვალით შევცქერით
- ერთ-მა-ნეთს.
- ვერ დაგვისვამენ, ვიმედოვნებ,
- ვერასდროს „წერტილს”,
- ვერ დაგვისვამენ!
- ესეც არ გჯერა (კითხვა-ძახილი)?!