მლაშე (დუშეთის მუნიციპალიტეტი)
NPLG Wiki Dictionaries გვერდიდან
მლაშე – სოფელი აღმოსავლეთ საქართველოში, მცხეთა-მთიანეთის მხარის დუშეთის მუნიციპალიტეტში, ბაზალეთის თემში.
სახელწოდება
ტოპონიმი სრულიად ნათელი და გამჭვირვალე შინაარსისაა: „სოფელი, რომელიც მლაშობ ადგილზეა გაშენებული“. ამის მიუხედავად სახელწოდება მლაშე კ. ჰანმა რატომღაც საკუთარ სახელ ლაშას დაუკავშირა და განმარტა როგორც ბრწყინვალე (блестящий).
სოფელი მლაშე გვიანფეოდალურ ხანაში (XVII-XVIII ს.ს.) ჩანს დაფუძნებული; ყოველ შემთხვევაში ამ პუნქტს თავიანთ აღწერებში ბაზალეთის სოფლებს შორის მოიხსენიებენ როგორც ვახუშტი, ისე იოანე ბატონიშვილები. უფრო ადრინდელი (XIV-XV სს.) ქართული ეკონომიკური და საისტორიო დოკუმენტები სოფ. მლაშეს საერთოდ არ იცნობს.
