მოგზაური (ჟურნალი)
„მოგზაური“ – (1901--1905), ყოველთვიური ისტორიულ-არქეოლოგიური და გეოგრაფიულ-ეთნოგრაფიული სურათებიანი ჟურნალი. რედაქტორი ივ. როსტომაშვილი. იარსება 4 წელიწადს. 1905 წლიდან გადაკეთდა ყოველკვირეულ გაზეთად, ახალი პროგრამითადა რედაქციით.
„მოგზაური“ ყურადღებას აქცევდა ეთნოგრაფიულ-ფოლკლორული ხასიათის წერილებსა და მასალებს. საქართველოს სხვადასხვა ქალაქის, კუთხისა და სოფლის, მათი მოსახლეობის ზნეჩვეულებათა შესახებ ჟურნალი ხშირად აქვეყნებდა ზ. ჭიჭინაძის, ინგილო ჯანაშვილის, ნ. ურბნელის (ნ.), თ. სახოკიას (ნ.), ალ. ხახანაშვილის (ნ.) და სხვების წერილებს. ბეჭდავდა ხალხური. შემოქმედების ნაწარმოებებს. ზეპირსიტყვიერების შემკრებთაგან ჟურნალში თანამშრომლობდნენ: ი. ალხაზიშვილი, კ. გვარამა-. ძე (ნ.ე, თ. რაზიკაშვილი, ზ. ჩხიკვაძე, „ქართველი ოსებში“ და სხვა. „მოგზაური“ ყურადღებას ამახვილებდა ფოლკლორული შემოქმედების შესწავლაზე. აქ გამოქვეყნდა: გ. ელგანდაშვილის „მნიშვნელობა გამოცანებისა ბავშვების აღზრდაში და „ზღაპრების მნიშვნელობა“ (1904, № 3-4, 5-6), ტ. ართმელაძის „მცირე შენიშვნა“ (1901, №3). ფოლკლორულ ნაწარმოებთა ჩაწერა-ფიქსირების პრინციპებზეა საუბარი თ. სახოკიას წერილში: „ფონოგრაფი და მისი გამოყენება ეთნოგრაფიისათვის" (1902, № 9-10).
ფ. ზანდუკელი
ლიტერატურა
- „მოგზაური“, 1901--1925 წწ დ. კარიჭაშვილი „ქართული პერიოდული გამოცემების ბიბლიოგრაფიული მიმოხილვა, „წიგნის მეგობარი“, 1925 წ., № 1-2.
