მოდი ვნახოთ ვენახი
NPLG Wiki Dictionaries გვერდიდან
„მოდი, ვნახოთ ვენახი“ – პოპულარული ხალხური ლექსი, სადაც ჩამოთვლილია ის საგნები და ცხოველები, რომლებიც ერთმანეთს ემტერებიან, ებრძვიან და ანადგურებენ: ვენახს თხა ჭამს, თხას მგელი; მგელს ანადგურებს თოფი, თოფს ჟანგი, ჟანგს მიწა და ა. შ. ლექსი კუმულაციის ხერხითაა დამუშავებული. წარმოშობით მევენახეობა-მეღვინეობის ღვთაების სადიდებელ ჰიმნთა ჯგუფს უნდა ეკუთვნოდეს. სიუჟეტი მრავალი ხალხის ფოლკლორშია ცნობილი.
ფ. ზანდუკელი
ლიტერატურა
- ა. ღვინიაშვილი, ნარკვევები ქართული საბავშვო ლიტერატურის ისტორიიდან, 1962;
- დ. ჯანელიძე, ქართული თეატრის ხალხური საწყისები, 1948.
