მცირე ვიმბა
მცირე ვიმბა – Vimba Vimba tenella (Nordmann) 1840
ტიპი: ქორდიანები
კლასი: სხივფარფლიანი თევზები
რიგი: კობრისნაირნი
ოჯახი: კობრისებრნი
გვარი: ვიმბა
სახეობა: მცირე ვიმბა
თევზი კობრისებრთა ოჯახისა. ტიპური ფორმიდან განსხვავდება ანალურ ფარფლში სხივების ნაკლებობითა და მცირე სიდიდით. ლაყუჩის ჩხირები 12-14-ია, ზურგისა და კუდის ფარფლებზე ზოგჯერ მუქი წინწკლები აქვს. სიგრძით 188 მილიმეტრამდე აღწეეს, მაგრამ 125 მილიმეტრის სიგრძის ეგზემპლარები სქესობრივად არიან მომწიფებული.
გავრცელებულია შავი ზღვის სანაპიროს ყველა პატარა მდინარეში; ყირიმში, ქვედა ყუბანის ქვემო შენაკადებში, სოჭში, ხოსტაში, ბიჭვინთაში, სოხუმში, მდინ, კოდორში, რიონზი, სუფსაში, ნატანებში, ჭოროხში, პალიასტომის ტბაში, საქარიაში (მცირე აზიაში), ბრუსში, ბულგარეთში, შავ ზღვაში შენაკად მდინარეებში.
სარეწაო მნიშვნელობა მცირე რაოდენობის გამო არა აქვს.
