ნაზარბაევი ნურსულთან
ნურსულთან ნაზარბაევი – (დ. 1940), ყაზახეთის რესპუბლიკის პრეზიდენტი. ეკონომიკის მეცნიერებათა დოქტორი.
შრომითი საქმიანობა დააწყო დნუპროძერჟინსკის ტექნიკურ სასწავლებელში (1958-60). 1969-დან კომკავშირულ და პარტიულ ორგანოებში მოღვაწეობდა. 1984 დანიშნეს ყაზახეთის სსრ-ის მინისტრთა საბჭოს თავმჯდომარედ. 1989-90 – ყაზახეთის კომპარტიის ცკ-ის პირველი მდივანი და ყაზახეთის სსრ-ის უმაღლესი საბჭოს თავმჯდომარე. 1990 წლის აპრილში ყაზახეთის რესპუბლიკის უმაღლესმა საბჭომ ნაზარბაევი ყაზახეთის რესპუბლიკის პრეზიდენტად აირჩია. 1991 საყოველთაო არჩევნებში აირჩიეს ყაზახეთის რესპუბლიკის პრეზიდენტად. 1995 ჩატარდა რესპუბლიკური რეფერენდუმი, რომელმაც ნაზარბაევს გაუგრძელა პრეზიდენტის უფლებამოსილებები 2001-მდე. 1999 წლის 10 იანვარს ნაზარბაევი მეორე ვადით აირჩიეს პრეზიდენტად და მიიღო ხმების 79,78 %. 2005 წლის არჩევნებში კი — 91,15 %. 2011 წლის ვადამდელ საპრეზიდენტო არჩევნებში მიიღო ხმების 95,5 %. 2015 წლის საპრეზიდენტო არჩევნებში მიიღო ხმების 97,7%.
