ნანეიშვილი ალექსანდრე
NPLG Wiki Dictionaries გვერდიდან
ნანეიშვილი ალექსანდრე – (ფსევდონიმი: „ა. ნა-ლი“), (1857-1904), პუბლიცისტი, ჟურნალისტი, საზოგადო მოღვაწე.
ქუთაისის გიმნაზიის დამთავრების შემდეგ სწავლობდა პეტერბურგის მედიკოქირურგიულ აკადემიაში. გატაცებული იყო ხალხოსნური იდეებით, რისთვისაც 1884 აწ გადაასახლეს, სემიპალატინსკში. სამშობლოში დაბრუნების შემდეგ (1887) აქტიურად ჩაება ქვეყნის საზოგადოებრივსა და კულტურულ ცხოვრებაში. წვლილი მიუძღვის ქართული წიგნის გამოცემის საქმეში. თანამშრომლობდა „იმედში“, „ივერიაში“ „დროებაში“, „მოამბეში“, „ნოვოე ობოზრენიეში“. თავის ნაწერებში გამოხატავდა პროგრესული თავადაზნაურობის ინტერესებს.
