ნაქსოვხლართული ტექსტილური მასალები

NPLG Wiki Dictionaries გვერდიდან
გადასვლა: ნავიგაცია, ძიება
ვინილური ნაქსოვხლართული ტექსტილი

ნაქსოვხლართული ტექსტილური მასალები – ტექსტილი (ლათ. textile ქსოვილი, მატერია) წარმოადგენს ნაკეთობას, რომელსაც იღებენ საქსოვ დაზგაზე ურთიერთმართობული და ერთმანეთთან ხლართებით შეერთებული გრძივი (ქსელი) და განივი (მისაქსელი) ძაფებისგან. ტექსტილი შეიძლება იყოს: ბამბის, შალის, აბრეშუმის, სელის, ქიმიური ბოჭკოსი და სხვ. საქსოვი დაზგიდან მოხსნილ ტექსტილს ეწოდება ხამი ქსოვილი, ხოლო ტექსტილის მისაღები ტექნოლოგიური პროცესების ერთობლიობას – საფეიქრო წარმოება.

კომპოზიტურ მასალებში გამოყენების შემდეგ დაიწყეს ტექსტილის ნაქსოვი სტრუქტურის შექმნა ძაფების არა მარტო ურთიერთმართობული, არამედ მოცემული კუთხით განლაგებით ისე, რომ ძაფის მიმართულება ემთხვეოდეს გარე ძალების მოქმედების მიმართულებას შემავსებელში. ეს საშუალებას იძლევა მაქსიმალურად იქნეს ათვისებული ტექსტილის ძაფების მექანიკური მახასიათებლები. ბოჭკოების გარდა ტექსტილურ კომპოზიტებში გამოჩნდა ლენტები და შნურებიც, რაც გამოიწვია კომპოზიტური დეტალებისა და ნაკეთობების მექანიკურმა თვისებებმა და პროფილის განსაკუთრებულობამ. უმეტეს შემთხვევებში ნაქსოვხლართული სტრუქტურები მზადდება მიზნობრივი დანიშნულების წინასწარი შეკვეთით.


წყარო

კომპოზიტური კონსტრუქციები

მოძიებულია „https://www.nplg.gov.ge/wikidict/index.php?title=%E1%83%9C%E1%83%90%E1%83%A5%E1%83%A1%E1%83%9D%E1%83%95%E1%83%AE%E1%83%9A%E1%83%90%E1%83%A0%E1%83%97%E1%83%A3%E1%83%9A%E1%83%98_%E1%83%A2%E1%83%94%E1%83%A5%E1%83%A1%E1%83%A2%E1%83%98%E1%83%9A%E1%83%A3%E1%83%A0%E1%83%98_%E1%83%9B%E1%83%90%E1%83%A1%E1%83%90%E1%83%9A%E1%83%94%E1%83%91%E1%83%98&oldid=186883“-დან
პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები