ნაჭყებია იასონ
NPLG Wiki Dictionaries გვერდიდან
იასონ ნაჭყებია – (1923-1979), ფილოსოფიის მეცნიერებათა დოქტორი (1969), პროფესორი, დაიბადა სოფელ ჯუმითში (ჩხოროწყუს რაიონი) სკოლის დამთავრების შემდეგ მუშაობდა სხვადასხვა კომკავშირულ და პარტიულ თანამდებობაზე. იყო მეორე მსოფლიო ომის მონაწილე. დემობილიხაციის შემდეგ სწავლობდა თბილისის სახელმწიფო უნივერსიტეტის ფილოსოფიის ფაკულტეტზე, რომელიც 1949 წელს დაამთავრა. 1950-1953 წლებში სწავლობდა მოსკოვის საზოგადოებრივ მეცნიერებათა აკადემიის ასპირანტურაში, 1953-1958 წლებში მუშაობდა ფილოსოფიის კათედრის გამგედ თბილისის პარტიულ სკოლაში. გამოქვეყნებული აქვს სამეცნიერო სტატიები და ერთი მონოგრაფია.
თხზულებები
„საზოგადოებრივი პროგრესის მარქსისტულ-ლენინური თეორია“ (თბილისი, 1964).
