ნეოგლობალიზმი
NPLG Wiki Dictionaries გვერდიდან
ნეოგლობალიზმი - (neoglobalism), ამერიკული დოქტრინა, რომელიც ცნობილია „რეიგანის დოქტრინის” სახელწოდებით, შეიქმნა XX საუკუნის 80-იანი წლების შუა პერიოდში და ითვალისწინებს აშშ-ის გავლენას „მესამე სამყაროს” ქვეყნებზე. ითვალისწინებს მსოფლიოს ქვეყნებსა და რეგიონებში მიმდინარე სოციალურ-ეკონომიკური, პოლიტიკური, მეცნიერულ-ტექნოლოგიური და ა.შ. პროცესების უნიფიკაციას (ერთიან სისტემაში მოქცევას), მის საფუძველზე ახალი მსოფლიო წესრიგის განსაზღვრას, რომელშიც დომინირებული პოზიცია აშშ-ს უკავია, თუმცა, 1997 წლიდან ამ პროცესში მონაწილეობს „ჩრდილოატლანტიკური პარტნიორობის საბჭოს” გაფართოების საფუძველზე შექმნილი „ევროატლანტიკური თანამშრომლობის საბჭოს” სხვა უმსხვილესი ქვეყნებიც.
