ნიზიბისის ზავი 298
ნიზიბისის ზავი– იმპერატორ დიოკლეტიანეს აღმოსავლური პოლიტიკის დამამთავრებელი ეტაპი, თავდაპირველადვე სპარსეთის არმია შეიჭრა რომის სამფლობელოებში. დიოკლეტიანეს საომარ მოქმედებათა წარმოება დააკისრა თანამმართველ გალერიუს მაქსიმიანეს. გალერიუესი დამარცხდა, მაგრამ როდესაც დიოკლეტიანემ შეტევა განახორციელა მესოპოტამიაში, სპარსელებმა უკან დაიხიეს. სომხეთის ტერიტორიაზე გამართულ გადამწყვეტ ბრძოლაში გალერიუსმა ბრწყინვალე გაემარჯვება მოიპოვა, სპარსეთის მეფე ნარსე იძულებული გახდა, წინააღმდეგობა შეეწყვიტა. ზავი დაიდო მესოპოტამიაში, რომის სიმაგრე ნიზიბისში. სასანიდების პრეტენზიები, აღედგინათ, სპარსეთი აქემენიდების იმპერიის საზღვრებში, მიუღწეველი დარჩა. ისინი დაუბრუნდნენ არშაკიდების სამფლობელოებს. ზავის თანახმად, რომის იმპერიისა და ირანის საზღვრად გამოცხადდა მდინარე ტიგროსი. სომხეთი ვანის ტბამდე რომაელთა ხელში გადავიდა. ზავმა მოაწესრიგა სომხეთისა და მიდიის საზღვრები, დაადასტურა რომის პროტექტორატი იბერიაზე.
