ნინთური
NPLG Wiki Dictionaries გვერდიდან
ნინთური – (შუმ.) „ქალბატონი-ბოსელი“, დიდი დედა, კაცობრიობის მშობელი ქალღმერთი, რომელიც გაიგივებულია „ბოსელთან“ (რასაც მოწმობს მისი სახელი) და „საშოსთან“ (როგორც მისი ეპითეტი „შაგთურ“ გვაუწყებს). ნინთური უქორწინებელ ქალღმერთთა რიცხვს ეკუთვნის, რომელთა გვერდით ვერ ვხედავთ მამრულ ღვთაებას. მხოლოდ მოგვიანო ტექსტებში, სადაც ადამიანის გაჩენის ამბავია მოთხრობილი, ამ აქტში ნინთურთან ერთად მონაწილეობს ენქიც. ნინთური არა მხოლოდ მშობელი ქალღმერთია, არამედ იგი მფარველობს საყოველთაო შობას და ღვთიური ბებიაქალის როლსაც კი ასრულებს.
