ნორმოტენზიული ჰიდროცეფალია
NPLG Wiki Dictionaries გვერდიდან
ნორმოტენზიული ჰიდროცეფალია - (normal pressure hydrocephalus), თავის ტვინის პარკუჭების გაფართოება ლიქვორის უკუშეწოვის (აბსორბციის) დარღვევის გამო, ამასთან, ლიქვორის მოძრაობას პარკუჭოვან სისტემაში რაიმე წინააღმდეგობა არ ექმნება. ლუმბალური პუნქციით თავ-ზურგ-ტვინის სითხის წნევა ნორმის ფარგლებშია. მიზეზი შეიძლება იყოს თავის ქალას ტრავმა, სუბარაქნოიდული სისხლჩაქცევა, მენინგიტი; ზოგიერთი შემთხვევა კი აშკარად იდიოპათიურია. ამ პათოლოგიის შედეგი შეიძლება იყოს შემპარავად დაწყებული პროგრესირებადი დემენცია, მსუბუქი პირამიდული ნიშნები, შარდის შეუკავებლობა, დამახასიათებელია მოუქნელი (ტლანქი) სიარული.