ნოშიო სოკო
NPLG Wiki Dictionaries გვერდიდან
ნოშიო სოკო – (ლათ. Lactarius controversus Fr.), 30 სმ-მდე სიგანის თეთრი, ძაბრისებრი ქუდის ზედაპირზე დამახასიათებელია წყლით გაჯერებული კონცენტრიული წრეები და ბოჭკოვან-ბუსუსებიანი კიდეები. ფირფიტები მოვარდისფროა, ძალიან ხშირი და ფიწლისებრ განტოტვილი.
მოთეთრო ან მოვარდისფრო ფეხის სიგრძე 2-5 სმ, დიამეტრი 2-3 სმ, სპორების ფხვნილი მოვარდისფრო ღია ყვითელია. სოკოს წვენი თეთრი და ძლიერ ცხარეა. დამწნილებული იჭმევა, საშუალო ხარისხის სოკოთა კატეგორიას განეკუთვნება. იზრდება ზაფხულ-შემოდგომაზე ფოთლოვან, განსაკუთრებით მთრთოლავი ვერხვის კორომებში.
