ობსესიური აზრები
ობსესიური აზრები - განმეორებადი და მომაბეზრებელი სიტყვები ან ფრაზებია, რომლებიც შემაწუხებელია პაციენტისთვის. მაგ., უხამსი ან ღვთის მგმობი, მკრეხელური ფრაზები, რომლებიც რელიგიურ პიროვნებას „მოსდის თავში“.
ობსესიური აზრები წარმოადგენენ სიტყვებს, იდეებსა და რწმენებს, რომლებიც პაციენტის ნებისაგან დამოუკიდებლად, ნაძალადევად იჭრება ცნობიერებაში, თუმცა, მის მიერ აღიქმება, როგორც საკუთარი. ობსესიური აზრები, ჩვეულებრივ, უსიამოვნოა და ამიტომ პაციენტი ცდილობს წინ აღუდგეს მათ. ობსესიური სიმპტომებისთვის დამახასიათებელია ერთდროულად ნაძალადეობის შინაგანი განცდისა და მისთვის წინააღმდეგობის გაწევის ძალისხმევის არსებობა, თუმცა წინააღმდეგობის გაწევის ძალისხმევა ამ ორს შორის უფრო ძლიერია. ობსესიურ აზრებს შეიძლება ცალკეული სიტყვების, ფრაზების ან გარითმული ლექსის ფორმა ჰქონდეს. ჩვეულებრივ, ისინი პაციენტისათვის უსიამოვნო ან შოკის მომგვრელია და შეიძლება უხამსი ან მკრეხელური ხასიათი ჰქონდეს. ობსესიური ხატები წარმოადგენს ნათლად წარმოსახულ სცენებს, რომლებსაც ხშირად ძალადობრივი ან ზიზღისმომგვრელი შინაარსი აქვთ (მაგ., პათოლოგიური სექსუალური აქტივობის შემცველი სცენები).
იხილე აგრეთვე
ობსესიური აზრები ანუ გონებრივი ცოხნა
