ოკრიბის ქვაბული
NPLG Wiki Dictionaries გვერდიდან
ოკრიბის ქვაბული – ქვაბული კავკასიონის სამხრეთ მთისწინეთში ზემო იმერეთის პლატოს დასავლეთით, ჩრდილო იმერეთის მთისწინეთში, რომელიც დაახლოებით ტყიბულის ზონას ემთხვევა.
მისთვის დამახასიათებელია გორაკ-ბორცვიანი და საშუალო სიმაღლის მთიანი რელიეფი მეწყრული და კარსტული მოვლენების ძლიერი განვითარებით. ოკრიბა საქართველოს ბელტს მიეკუთვნება და განიხილება როგორც დამრეცი გუმბათი; მისი თაღი ეროზიითაა გარეცხილი, ხოლო პერიფერიული ნაწილები წარმოდგენილია ოკრიბა-არგვეთისა და სამგურალის სერებით; ოკრიბის შუა ნაწილში მდ. რიონი გაედინება, ხოლო ქვაბულის სამხრეთი ნაწილი ცუცხვათისა და ტყიბულის ქვაბულებს უკავიათ.
