ოფიცრის საშტაბო კულტურა
ოფიცრის საშტაბო კულტურა - იმ პროფესიული და პიროვნული თვისებების ერთობლიობა, რომელიც ახასიათებს ჯარების მართვის ამოცანების გადაწყვეტისათვის ოფიცრის მომზადებისა და უნარის დონეს.
ოფიცრის საშტაბო კულტურის გამოხატულებაა პროფესიონალიზმი; ოპერატიული და შეთანხმებული მუშაობა; ინიციატივა; დიდი მოცულობის ამოცანების მოკლე ვადაში შესრულების უნარი; დოკუმენტების გაფორმების, გაცემული ბრძანებისა და განკარგულებების სიზუსტე, მკაფიოობა და ლაკონიურობა, მართვის ტექნიკური საშუალებების ეფექტური გამოყენება.
ოფიცრის საშტაბო კულტურა შტაბებისა და მართვის სხვა ორგანოების ოფიცრებისაგან მოითხოვს ვითარების მუდმივ ცოდნას და მისი სწრაფად გაანალიზების უნარს; ოპერატიულ-ტაქტიკური გაანგარიშებების ოპერატიულად და ხარისხიანად შესრულებას; გადაწყვეტილების მისაღებად დასკვნების გამოტანას; კავშირის დამყარებას ქვეშევრდომებთან და მართვის ზემდგომ ორგანოებთან; ჯარებამდე (ძალებამდე) საბრძოლო ამოცანების დროულად დაყვანას; საბრძოლო მოქმედებების ორგანიზებას, ბრძანებებისა დაგანკარგულებების შესრულების კონტროლს. ოფიცრის საშტაბო კულტურა იხვეწება ყოველდღიური სამსახურის პროცესში: მეცადინეობების, წვრთნების დროს, საბრძოლო მოქმედებების პერიოდში.
