პარაბოლოიდი

პარაბოლოიდი – (ბერძ. parabolḗ შედარება, მსგავსება და -oeidēs მსგავსი, მსგავსება, ფორმა < eîdos სახე, ფორმა), მე-2 რიგის ზედაპირი, რომელიც მიიღება პარაბოლას ბრუნვით მისი ღერძის გარშემო.

პარაბოლოიდი არის უცენტრო ჩაუკეტავი ზედაპირი, რომლის უმარტივეს განტოლებებს დეკარტის მართკუთხა კოორდინატთა სისტემაში აქვს შემდეგი სახე:

x²/p² + y²/q² = 2z (ელიფსური პარაბოლოიდი),

x²/p² – y²/q² = 2z (ჰიპერბოლური პარაბოლოიდი), სადაც p>0, q>0 – ნახევარღერძებია.

აქ პარაბოლოიდის წვეროს კოორდინატთა Oxyz სისტემის სათავეშია, Oz ღერძი – პარაბოლოიდის სიმეტრიის ღერძია; 0xz და 0yz სიბრტყეები – პარაბოლოიდის სიმეტრიის სიბრტყეებია.

პარაბოლოიდი არის უცენტრო ღია ზედაპირი.

თუ პარაბოლას ვაბრუნებთ მისი ღერძის გარშემო, მივიღებთ ბრუნვით პარაბოლოიდს.

• 

  ელიფსური პარაბოლოიდი

• 

  ჰიპერბოლური პარაბოლოიდი

წყარო

• სამშენებლო ენციკლოპედიური ლექსიკონი
• მათემატიკის ენციკლოპედიური ლექსიკონი