პარაზიტი

პარაზიტი – (parasitos; ბერძნ. para გვერდით + sitos საკვები), ორგანიზმი, რომელიც დროებით ან მუდმივად სახლდება სხვა ინდივიდის სხეულში ან მის ზედაპირზე, იკვებება მასპინძლის წვენებით, ქსოვილებით ან გადამუშავებული საკვებით და აყენებს მას გარკვეულ ზიანს:

– პარაზიტი ჰეტეროქსენური (heteros სხვა + xenos მასპინძელი) – სასიცოცხლო ციკლის დასამთავრებლად საჭიროა რამდენიმე ცხოველი – მასპინძელი;

– პარაზიტი ჰომოქსენური (ბერძნ. homos თანაბარი + xenos მასპინძელი) – სასიცოცხლო ციკლი მთავრდება ერთი მასპინძლის ორგანიზმში;

– პარაზიტი მონოქსენური (ბერძნ. monos ერთი + xenos მასპინძელი) – ვითარდება ერთი სახეობის ცხოველის მონაწილეობით;

– პარაზიტი პოლიქსენური (ბერძნ. poli მრავალი + xenos მასპინძელი) – ბინადრობს მრავალი გვარისა და სახეობის ცხოველების სხეულში ან სხეულზე.

წყარო

სავეტერინარო პარაზიტოლოგიის ტერმინთა ლექსიკონი