პასფილდის მემორანდუმი 1930
პასფილდის მემორანდუმი 1930 – (პალესტინაში დიდი ბრიტანეთის პოლიტიკის შესახებ), გამოქვეყნდა 1930 წლის ოქტომბერში, დიდი ბრიტანეთის ჯარების მიერ პალესტინასა და მეზობელ არაბულ ქვეყნებში აჯანყების ჩახშობისა და დიდი ბრიტანეთის კოლონიების მინისტრის ლორდ პასფილდის (ს. უები) პალესტინის არაბთა კონგრესის დელეგაციასთან მოლაპარაკებების შემდეგ.
მემორანდუმმა დაადგინა, რომ პალესტინის შემდგომი ებრაული კოლონიზაცია მოხდებოდა მხოლოდ მიწის იმ რეზერვების ხარჯზე, რომლებიც უკვე სიონისტური ორგანიზაციების ხელში იყო; „ებრაულ სააგენტოს“ არ ექნებოდა ქვეყნის მართვაზე პრეტენზიის უფლება: „ებრაელთა ეროვნული კერის“ შექმნა არ წარმოადგენდა პალესტინაზე მანდატის ცენტრალურ პუნქტს და არაბებისა და ებრაელების წინაშე ნაკისრი სამანდატო ვალდებულებები ერთმანეთის ტოლფასი იქნებოდა, დიდი ბრიტანეთის მთავრობამ, რომელსაც მწვავე წინააღმდეგობა შეხედა სიონისტი მოღვაწეებისა და ბრიტანელი პოლიტიკოსების მხრიდან, მალე უარი თქვა პასფილდის მემორანდუმით გამოცხადებულ პოლიტიკაზე.
