პატარა ოყარი

წარწერის ტექსტი

პატარა თეთრი ყანჩა, პატარა ოყარი (Egretta garzetta) – ფრინველი ყანჩასებრთა ოჯახიდან. სხეულის სიგრძე 55–65 სმ-ია, ფრთის შლილი 86–106 სმ, მასა 300–600 გ. მცირერიცხოვანია, ხასიათდება კლებადი რიცხოვნობით. საქართველოში გვხვდება მხოლოდ მიმოფრენისას – მარტის ბოლოდან აპრილის პირველ ნახევრამდე. ბინადრობს სამცხე-ჯავახეთის მდინარეების, ტბებისა და ჭაობების სანაპიროებზე. საქართველოს წითელ წიგნში შეტანილია როგორც იშვიათი სახეობა, რომელსაც ჯერჯერობით არ ემუქრება გადაშენება, მაგრამ გვხვდება ისე ცოტა, ან იმდენად მცირე ტერიტორიაზე, რომ შესაძლოა სწრაფად გადაშენდეს.

წყარო

სამცხე-ჯავახეთი: ცნობარი