პატუილარდას ბოჭკოვანა
NPLG Wiki Dictionaries გვერდიდან
პატუილარდას ბოჭკოვანა (ლათ. Inocybe patoullardi Bres. რუს. Волоконница патуйярда)
ქუდი – 8 სმ-მდე დიამეტრისაა, ზარისებრია, შუაში ბორცვაკი ახასიათებს, ბოჭკოვანია და რადიალურად დახეთქილი ზედაპირით, ჯერ მოთეთროა, მოყვითალო ელფერით, შემდეგ – მოწითალო ას მოწითალო-ყავისფერი. ფირფიტები განიერი, ჯერ მოვარდისფროა, შემდეგ – მოყავისფრო, მოწითალო ლაქებით.
ფეხი – 2-10 სმ სიგრძისა და 0,8-1,5 სმ სისქისაა, ცილინდრული, ძირში გამსხვილებული, სადა ზედაპირით, ქუდის ფერია.
რბილობი – თეთრია, ჰაერზე ფერს არ იცვლის, ან ოდნავ წითლდება ფეხში, სასიამოვნო გემოთი და ხილის სუნით.
სპორები – ოვალურია, 9-14X5-8 მკმ.
იზრდება ტყესა და პარკებში ზაფხულ-შემოდგომით. მომაკვდინებელი შხამიანი სოკოა.