პოლონეთ-გერმანიის ფედერაციული რესპუბლიკის ხელშეკრულება 1970

NPLG Wiki Dictionaries გვერდიდან
გადასვლა: ნავიგაცია, ძიება

პოლონეთ-გერმანიის ფედერაციული რესპუბლიკის ხელშეკრულება 1970 – (ორმხრივი ურთიერთობების ნორმალიზაციის შესახებ), ხელი მოაწერეს 7. XII ვარშავაში, ძალაში შევიდა 3.VI.1972;

ხელშეკრულებაში პოლონეთის სახალხო რესპუბლიკამ და გერმანიის ფედერაციულმა რესპუბლიკამ განაცხადეს, რომ ორ სახელმწიფოს შორის ოდერ-ნეისეს ხაზის გამავალი საზღვარი, რომელიც ბერლინის (პოტსდამის) კონფერენციამ 1945 დაადგინა, პოლონეთის დასავლეთ სახელმწიფო საზღვარს წარმოადგენდა. მხარეებმა დაადასტურეს არსებული საზღვრების ურღვეობა, იკისრეს ერთმანეთის ტერიტორიული მთლიანობის დაცვა, ასევე განაცხადეს, რომ არ გააჩნიათ ერთმანეთის მიმართ ტერიტორიული პრეტენზიები და არ წამოაყენებდნენ ასეთ პრეტენზიებს მომავალში. ხელშეკრულების მონაწილეებმა იკისრეს, ყველა სადავო საკითხი მხოლოდ მშვიდობიანი გზით გადაეწყვიტათ, თავი შეეკავებინათ როგორც ძალის მუქარის, ისე ძალის გამოყენებისგან ევროპულ და საერთაშორისო უშიშროებასთან დაკავშირებულ საკითხებში, ასევე ორმხრივ ურთიერთობაში მხარეებმა განაცხადეს, რომ გადადგამენ კონკრეტულ ნაბიჯებს ურთიერთობის ნორმალიზაციის მიმართულებით, განავითარებენ ეკონომიკურ, სამეცნიერო-ტექნიკურ, კულტურულ და სამეცნიერო კავშირებს ურთიერთობისას, ხელშეკრულებამ შექმნა პირობები პოლონეთსა და გფრ-ს შორის ურთიერთობის გაუმჯობესებისათვის.


წყარო

მოძიებულია „https://www.nplg.gov.ge/wikidict/index.php?title=%E1%83%9E%E1%83%9D%E1%83%9A%E1%83%9D%E1%83%9C%E1%83%94%E1%83%97-%E1%83%92%E1%83%94%E1%83%A0%E1%83%9B%E1%83%90%E1%83%9C%E1%83%98%E1%83%98%E1%83%A1_%E1%83%A4%E1%83%94%E1%83%93%E1%83%94%E1%83%A0%E1%83%90%E1%83%AA%E1%83%98%E1%83%A3%E1%83%9A%E1%83%98_%E1%83%A0%E1%83%94%E1%83%A1%E1%83%9E%E1%83%A3%E1%83%91%E1%83%9A%E1%83%98%E1%83%99%E1%83%98%E1%83%A1_%E1%83%AE%E1%83%94%E1%83%9A%E1%83%A8%E1%83%94%E1%83%99%E1%83%A0%E1%83%A3%E1%83%9A%E1%83%94%E1%83%91%E1%83%90_1970&oldid=235639“-დან
პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები