პროქსენია
NPLG Wiki Dictionaries გვერდიდან
პროქსენია – ძველ საბერძნეთში პოლისების ურთიერთკავშირის ფორმა. პიროვნება, რომელიც საკუთარი ინიციატივით, ან სახელმწიფოს დავალებით, კისრულობდა სხვა პოლისის მოქალაქის ინტერესების დაცვას. პროქსენია მყარდებოდა როგორც ცალკეულ მოქალაქეებს, ისე პოლისებს შორის. მას თავისებური დიპლომატიური წარმომადგენლობის მნიშვნელობა ჰქონდა. ბერძნული ქალაქების ეკონომიკური და პოლიტიკური ურთიერთობის აუცილებლობა პროქსენიის მოთხოვნილებებს ზრდიდა. პიროვნება, რომელიც აქტიურად იყო მასში ჩაბმული, პროქსენიის გარკვეული პრივილეგიებით სარგებლობდა. მოგვიანებით პროქსენია საპატიო ტიტული გახდა.
