რაპაკივი
NPLG Wiki Dictionaries გვერდიდან
რაპაკივი (ფინ. rapakivi დამპალი ქვა) – პორფირისებრი სტრუქტურის მოვარდისფრო-მოწითალო-მომწვანო ფერის გრანიტი, ძვირფასი სამშენებლო და მოსაპირკეთებელი ქვა. შედგება ოლიგოკლაზების (20%-მდე), ორთოკლაზების (40%-მდე), იდიომორფული კვარცის (30%-მდე) და 2%-მდე მეორეხარისხოვანი აქცესორული მინერალებისგან (ორტიტი, ამფიბოლი, დიოფსიდი, სფენი, აპატიტი, მაგნეტიტი და სხვ.). ძირითადად გავრცელებულია შვედეთსა და ფინეთში.
