რევიზიონიზმი
რევიზიონიზმი – (revisionism), ფართო და მრავალმხრივი ტერმინია, რომელიც გულისხმობს ადრე დამკვიდრებული ან ოფიციალური შეხედულებების, თეორიების, დოქტრინების ან ისტორიული ფაქტების გადახედვას, გადასინჯვას ან ძირეულად შეცვლას.
ტერმინი „რევიზიონიზმი“ თავდაპირველად ყველაზე მკაფიოდ დაუკავშირდა მარქსიზმს XIX საუკუნის ბოლოს. თავდაპირველად ტერმინი გამოიყენებოდა იმ მარქსისტების მოღვაწეობის კრიტიკისათვის, რომელიც მოითხოვდა კარლ მარქსის სწავლების ძირითადი რევოლუციური პრინციპების გადასინჯვას. რევიზიონისტებს შორის ყველაზე თვალსაჩინო ფიგურა იყო XIX ს-ის გერმანიის სოციალ-დემოკრატიული პარტიის საპარლამენტო ლიდერი, ედუარდ ბერნშტეინი (1885-1932). ის ამტკიცებდა, რომ კაპიტალიზმი უფრო ხანგრძლივი და სიცოცხლისუნარიანი აღმოჩნდა, ვიდრე ეს მარქსს ეგონა და სოციალიზმის მიზნები შეიძლება მიღწეული იყოს რევოლუციისაგან განსხვავებული, დემოკრატიული ხერხებით.
წყარო
- პოლიტიკა
- მონიშნული სიის ელემენტი
