რევიუ
NPLG Wiki Dictionaries გვერდიდან
რევიუ – (ფრანგ revue), თეატრალური ხელოვნების სახეობა; შედგება გამჭოლი თემით გაერთიანებული ცალკეული ეპიზოდებისაგან და ამ მრავალფეროვან ეპიზოდებში მონაწილე მოქმედი პირებისაგან. მასში შეტანილია საესტრადო და საცირკო ხასიათის ჩასმული ნომრები. რევიუ წარმოიშვა საფრანგეთში მე-18 საუკუნის დამლევს. იგი მყარად დამკვიდრდა ბულვარული თეატრების რეპერტუარში და დასაწყისში ჰქონდა მკვეთრად პუბლიცისტური და სატირული ჟღერადობა.
მე-19 საუკუნის ბოლოს, ვარიეტეს და მიუზიკ-ჰოლის გავლენით, რევიუმ დაკარგა პუბლიცისტური ჟღერადობა, სატირული სიმწვავე და ჩვეულებრივ ფეერიულ სანახაობად იქცა.
