რეპეტიცია (ბალეტი)
NPLG Wiki Dictionaries გვერდიდან
რეპეტიცია – ბალეტის მსახიობების საჯარო გამოსვლისათვის მზადება, რომელიც შედგება რამდენიმე ეტაპისაგან:
- დასადგმელი რეპეტიცია, რომლის დროს ბალეტმაისტერი უჩვენებს (დგამს) შემსრულებლებს ცეკვებსა და სცენებს.
- სამუშაო რეპეტიცია, რომელზედაც ხდება საცეკვაო ტექნიკის სრულყოფა და მიმდინარეობს მუშაობა ქორეოგრაფიული იერსახეების შექმნაზე, როგორც მთავარ გმირებთან ისე კორდებალეტთან.
- შემაჯამებელი რეპეტიცია, რომელშიც მონაწილეობს დადგმული ნომრის, ეპიზოდის და ა.შ. ყველა შემსრულებელი.
- სცენური რეპეტიცია, რომლის დროს თეატრის სცენაზე იდგმება დეკორაციები ან სპეციალური თეჯირები.
- საორკესტრო რეპეტიცია, რომელზეც დასი ეცნობა მუსიკის საორკესტრო ხმოვანებას, ხდება ცალკეული სცენებისა და ცეკვების ტემპების დაზუსტება.
- გენერალური რეპეტიცია – მთელი ბალეტის რეპეტიცია ყველა კომპონენტის (მუსიკა, ქორეოგრაფია, დეკორაცია, ჩაცმულობა, განათება) მონაწილეობით.