რობიგუსი
NPLG Wiki Dictionaries გვერდიდან
რობიგუსი – (რობიგო) (რომ.) ძველიტალიკური ბოროტი ღვთაება, რომელიც პურეულ მარცვლოვანებს აზიანებდა. რომაელებს იგი მწითურ ძაღლად ან მელად ჰყავდათ წარმოდგენილი.
რობიგუსის დღეს რომში აპრილის თვეში აღნიშნავდნენ. მსხვერპლად სწირავდნენ ცხვარს ან მწითურ ძაღლს, რათა პურეულისგან განერიდებინათ მის მიერ მოვლენილი ავადმყოფობანი.
