რომის კლუბი
NPLG Wiki Dictionaries გვერდიდან
„რომის კლუბი“ - (“Club of Rome”), საერთაშორისო არასამთავრობო ორგანიზაცია. დაარსდა 1968 წელს რომში. ცივილიზებული სამყაროს განვითარების თანამედროვე ტენდენციების საფუძველზე იგი იკვლევს საზოგადოების განვითარების გლობალურ პერსპექტივებს. „რომის კლუბში“ გაერთიანებული არიან მეცნიერები, საზოგადოებრივი და პოლიტიკური მოღვაწეები, კლუბის დამფინანსებელი კორპორაციები და ფონდების ხელმძღვანელები. მისი კვლევის მთავარი მიმართულებაა კაცობრიობის განვითარების პროგნოზი ერთი საუკუნის განმავლობაში.
