საბჭოთა კავშირ-კორეის ხელშეკრულებები და განცხადებები
საბჭოთა კავშირ-კორეის ხელშეკრულებები და განცხადებები
სარჩევი |
1953 კომუნიკე
დაიდო მოსკოვში 20.IX. სსრკ-ისა და კსდრ-ის მთავრობებს შორის ითვალისწინებდა 1 მლრდ მანეთის საჩუქარს და დახმარებას მძიმე მრეწველობის და სოფლის მეურნეობის განვითარებისათვის.
1956 კომუნიკე
ორივე მხარე შეთანხმდა კორეაში მშვიდობის დამყარების გზებზე, სსრკ-გან ეკონომიკური და მატერიალური დახმარების გაზრდაზე.
მეგობრობის, თანამშრომლობის და ურთიერთდახმარების ხელშეკრულება
დაიდო 6.VII.1961 მოსკოვში 10 წლის ვადით და 5-წლიანი ავტომატური განახლებით, ერთი მხარის საომარ ვითარებაში მოხვედრისთანავე, მეორე მხარე ყველანაირ სამხედრო და სხვა სახის დახმარებას გაუწევდა. არ შევიდოდა მტრულად განწყობილ კოალიციაში. დადგინდა ყველა საკითხზე ურთიერთდახმარების და კონსულტაციების ნორმები. საშინაო საქმეებში ჩაურევლობის და ტერიტორიული მთლიანობის ხელშეუხებლობის პრინციპები. ორივე მხარე შეთანხმდა, რომ კორეის გაერთიანება მშვიდობიანი და დემოკრატიული გზით უნდა მოხდეს.
1965 განცხადება
ხელი მოეწერა ფხენიანში 14.II. სსრკ მინისტრთა საბჭოს თავმჯდომარის ა. კოსიგინის და კსდრ ლიდერის კიმ ირ სენის მიერ. ავითარებს წინა ხელშეკრულების დებულებებს.
1969 კომუნიკე
დაიდო 20.II (ხელი მოაწერეს ნ. პოდგორნიმ და კიმ ირ სენმა), მხარდაჭერა გამოუცხადეს შორეულ აღმოსავლეთში ახლად წარმოქმნილი სოციალისტური მიმართულების რესპუბლიკების ბრძოლას დამოუკიდებლობისათვის, დაგმეს ისრაელის მოქმედება, მოითხოვეს კორეის გაერთიანებისთვის გაეროს კომისიის გაუქმება და აშშ ჯარების გაყვანა სამხრეთ კორეიდან.
